Украинскиот претседател Volodymyr Zelenskyy соопшти дека имал „многу добар“ телефонски разговор со американскиот претседател Donald Trump, оценувајќи дека постои реална можност да се стави крај на војната во Украина доколку продолжат дипломатските напори и американската поддршка.
По разговорот, Зеленски истакна дека решителноста на Соединетите Американски Држави ќе има клучна улога во напорите за постигнување мир.
„Постои реална перспектива да се стави крај на оваа војна, а решителноста на Америка ќе биде одлучувачка. Се договоривме разговорите да ги продолжиме лично за време на самитот на НАТО во Анкара“, изјави украинскиот претседател.
Зеленски му го честитал на Трамп Денот на независноста на САД и им се заблагодарил на американскиот народ и администрацијата за досегашната поддршка на Украина.
„Благодарни сме за сета помош што ја добивме – од системите Javelin и Patriot до политичката поддршка. Длабоко цениме што Америка стои покрај нас во одбраната на нашата независност“, порача Зеленски.
Според официјалното соопштение од кабинетот на украинскиот претседател, двајцата лидери разговарале за состојбата на фронтот, актуелните дипломатски иницијативи и можните чекори за приближување кон мировно решение. Разговорите треба да продолжат на претстојниот самит на НАТО во Анкара, каде што се очекува повторна средба меѓу двајцата претседатели.
Телефонскиот разговор меѓу Трамп и Зеленски се одржа само неколку часа откако американскиот претседател разговараше и со рускиот претседател Vladimir Putin, во рамки на новите дипломатски напори за ставање крај на војната што трае повеќе од четири години.
