Утре Советот на Општина Битола ќе ја одржи 14-та седница на која на дневен ред ќе се најде решението за давање согласност на Одлуката за проширување на дејноста на Јавното претпријатие за изградба и одржување на јавен простор за паркирање и уредување и организирање на јавен локален превоз на патници (ЈППЈЛП ) како и измена и дополнување на статутот.
Исто така пред советниците и решението за давање согласност на Правилникот за условите, начинот и постапката за издавање и користење на повластена паркинг карта за лица со аутистичен спектар, како и бесплатно паркирање на јавните паркиралишта во надлежност на „Паркинзи“ за лица со аутистичен спектар.
На дневен ред и завршните сметки за 2025 година на ФК „Пелистер“, РК „Еурофарм Пелистер“, РК „Еурофарм Пелистер 2“ и на КК „Пелистер“.
Пред советниците и Акцискиот план на Локалниот економско социјален совет како и годишните планови за вработувања во неколку основни и едно средно училиште.
…
