Започна асфалтирањето на улица „3“ во населбата Калниште, информираше градоначалникот на Општина Пробиштип, Тони Тоневски.
Проектот опфаќа целосна подготовка на трасата, пробивање на улицата, тампонирање, поставување дренажа, како и асфалтирање на сообраќајницата која ги поврзува двете чешми во населбата.
Според Тоневски, со реализацијата на овој проект значително ќе се подобри сообраќајната поврзаност во овој дел од населбата, а жителите ќе добијат побрз и полесен пристап до месноста Леговец и околните населени места.
„Продолжуваме посветено да инвестираме во современа и квалитетна патна инфраструктура, со цел да обезбедиме подобри услови за живот за сите наши сограѓани“, порача Тоневски.
…
