Тешка сообраќајна несреќа се случила вчера попладне на кружниот тек на булеварите „Илинденска“ и „Благоја Тоска“ во Тетово, во која тешко е повреден велосипедист.
Според информациите од Министерството за внатрешни работи, несреќата била пријавена на 9 јули 2026 година во 15:02 часот во СВР Тетово. Во неа учествувале патничко возило „мерцедес“ со тетовски регистарски ознаки, управувано од И.Р. (68) од Тетово, и велосипед управуван од Б.С. (39), исто така од Тетово.
Во судирот, велосипедистот се здобил со тешки телесни повреди, кои биле констатирани во Клиничката болница Тетово.
Увид на местото на несреќата извршила екипа од СВР Тетово, а се преземаат мерки за целосно расчистување на случајот.
…
