Во Тетово денеска се одржа протестен марш во организација на ДУИ, поради одлуката поврзана со промената на имињата на дел од улиците во градот.
Иако од партијата претходно најавуваа масовен граѓански протест, според информациите од терен, на маршот присуствуваа околу 200 до 300 лица.
Од ДУИ оценуваат дека со спорната одлука се загрозуваат принципите на Охридскиот рамковен договор и правата на етничките заедници, поради што побараа нејзино преиспитување.
Протестот се одвиваше мирно и без инциденти, под присуство на полициски службеници кои ја следеа безбедносната состојба.
Случувањата околу ова прашање и реакциите на надлежните институции се очекува да продолжат и во наредниот период.
…
