Педесет и четиригодишна жена од Тетово пријавила во полиција дека била физички нападната од својот син по претходна расправија за пари, информира Министерството за внатрешни работи.
Според пријавата, случајот се случил на 10 јули околу 21:00 часот во семејниот дом, а во Полициската станица Тетово бил пријавен нешто по полноќ, во 00:10 часот.
Жената се здобила со повреди, по што ѝ била укажана лекарска помош во Клиничката болница Тетово.
Од МВР соопштија дека се преземаат мерки за пронаоѓање на осомничениот К.В. и за целосно расчистување на случајот.
…
