Општина Прилеп ги поканува сите љубители на фудбалот вечерва да бидат дел од заедничкото следење на полуфиналниот натпревар помеѓу репрезентациите на Франција и Шпанија.
Натпреварот ќе се пренесува на голем екран на Камена Бина, со почеток во 21:00 часот, каде посетителите ќе имаат можност да уживаат во спортскиот спектакл во одлична атмосфера.
Од Општина Прилеп упатуваат покана до граѓаните да дојдат со своите семејства и пријатели, заедно да навиваат и да уживаат во едно од највозбудливите фудбалски соочувања.
„Голем екран, одлична атмосфера и заедничко навивање – ве очекуваме на Камена Бина да бидеме дел од полуфиналната фудбалска магија“, порачуваат од Општина Прилеп.
…
