Градоначалникот на Општина Чаир, Изет Меџити, заедно со познатиот албански музички уметник Или Лимани, го посети Универзитетот „Мајка Тереза“ во Скопје, каде одблиску ја проследија изградбата на универзитетскиот кампус.
Меџити истакна дека станува збор за една од најголемите инвестиции во историјата на државата за образованието на албански јазик, нагласувајќи дека вложувањето во знаењето и создавањето можности за младите се клучни за иднината на новите генерации.
„Разговаравме за младите, за важноста од создавање можности за нив и за проектите што ги реализираме во функција на младите“, посочи Меџити.
Тој нагласи дека Или Лимани, покрај успехот како музички уметник, е млад човек со култура, зрел начин на размислување и посебен поглед кон животот и општеството.
„Верувам дека уметноста и културата имаат огромна моќ да ги инспирираат младите генерации, исто како и добрите политики. Уметниците како Или се повеќе од успешни имиња на сцената – тие се модели кои влијаат врз илјадници млади луѓе“, порача Меџити.
Посетата на Универзитетот „Мајка Тереза“ се реализираше пред вечерашниот концерт на Или Лимани во Скопје, за кој градоначалникот на Чаир му посака успешен настап и многу успеси во неговата понатамошна музичка кариера.
…
