Двајца 15-годишници се повредени во сообраќајна несреќа што се случила во Скопје, откако во нивните електрични тротинети удрило патничко возило „југо“, соопшти Министерството за внатрешни работи.
Според информациите од полицијата, несреќата се случила на 18 јули 2026 година околу 16 часот на крстосницата меѓу улиците „Ќемал Сејфула“ и „Павле Илиќ“ во Скопје.
Во судирот учествувале патничко возило „југо“ со скопски регистарски ознаки, управувано од Е.Б. (71) од Скопје, електричен тротинет управуван од 15-годишник од Скопје и уште еден електричен тротинет управуван од друг 15-годишник од Скопје.
Во несреќата едниот малолетник се здобил со тешки телесни повреди, додека другиот се здобил со телесни повреди. Повредите им биле констатирани во Комплексот клиники „Мајка Тереза“.
Полицијата извршила увид на местото на несреќата, а се преземаат мерки за целосно расчистување на околностите под кои се случил судирот.
