Македонското знаме беше забележано на трибините за време на големото финале на Светското првенство, привлекувајќи внимание меѓу илјадниците навивачи кои присуствуваа на спектаклот.
Додека милиони гледачи ширум светот го следеа натпреварот, македонските навивачи уште еднаш покажаа дека љубовта кон татковината не познава граници. Развеаното македонско знаме беше симбол на гордоста и силната поврзаност на дијаспората со својата земја.
Македонската заедница во САД со години е препознатлива по тоа што активно ја негува македонската традиција, култура и национален идентитет, а присуството на државното знаме на еден од најголемите спортски настани во светот уште еднаш ја потврди таа посветеност.
Ваквите моменти имаат посебно значење, бидејќи покажуваат дека Македонците, без разлика каде живеат, со гордост го претставуваат своето потекло и не пропуштаат можност македонското знаме да биде дел од најголемите светски спортски спектакли.
…
