Управата за хидрометеоролошки работи (УХМР) издаде жолт метеоаларм за целата територија на Македонија, предупредувајќи дека и денеска ќе продолжи периодот на нестабилно време.
Според прогнозата, во текот на денот се очекуваат повремени врнежи од дожд, локални поројни врнежи, грмежи и засилен ветер. На одделни места постојат услови за развој на невреме проследено со појава на град.
Метеоролозите најавуваат и умерен северен ветер, кој долж Повардарието повремено ќе засилува и ќе достигнува брзина поголема од 60 километри на час.
Надлежните апелираат граѓаните да бидат внимателни, особено при движење на отворено, да избегнуваат престој под дрвја и нестабилни конструкции и да ги следат најновите временски информации, имајќи ги предвид последиците што вчерашното силно невреме ги предизвика во повеќе делови од земјата.
..
