Сопружници кои се во бракоразводна постапка меѓусебно се пријавиле во полиција за физички напад по инцидент што се случил во станбена зграда во Скопје.
Од Министерството за внатрешни работи информираат дека на 27 јули, околу 00:15 часот, 25-годишен маж од Крива Паланка пријавил дека претходната вечер, околу 21:00 часот, бил физички нападнат од неговата 31-годишна сопруга од Штип.
Неколку часа подоцна, во 02:30 часот, и 31-годишната жена пријавила дека во истиот период и на истото место била физички нападната од својот сопруг.
Од МВР велат дека се преземаат мерки за целосно расчистување на случајот.
…
