Регулаторната комисија за енергетика (РКЕ) донесе нова одлука за корекција на цените на нафтените деривати, според која од полноќ, односно од 00:01 часот на 5 август, бензините ќе бидат поевтини, додека дизелот ќе поскапи.
Според одлуката, малопродажната цена на ЕУРОСУПЕР БС-95 се намалува за два денари и ќе изнесува 91 денар за литар, додека ЕУРОСУПЕР БС-98 исто така поевтинува за два денари и ќе се продава по 93 денари за литар.
За разлика од бензините, ЕУРОДИЗЕЛ поскапува за еден денар, па новата цена ќе биде 99,50 денари за литар. Екстра лесното масло за домаќинство (ЕЛ-1) поскапува за 0,50 денари и ќе чини 98,50 денари за литар.
Од РКЕ информираат дека мазутот М-1 НС поевтинува за 1,680 денари за килограм, со што неговата максимална цена ќе изнесува 46,419 денари за килограм.
Регулаторната комисија соопшти дека просечните малопродажни цени на нафтените деривати се намалуваат за 1,24 проценти во однос на претходната одлука. Во пресметката е применета намалена акциза од два денари за литар кај бензините и четири денари за литар кај дизелот.
Од Комисијата потсетуваат дека станува збор за максимално дозволени малопродажни цени, а трговците имаат можност горивата да ги продаваат и по пониски цени.
…
