Силен земјотрес со магнитуда од 7,4 степени го погоди западниот дел на Колумбија, предизвикувајќи повредени лица и сериозна материјална штета во повеќе градови.
#SISMO. Tras el fuerte temblor de magnitud 6.6 con epicentro en San José del Palmar, Chocó, sacudió a varias regiones de Colombia, dejando a Manizales como una de las ciudades más afectadas, donde la cúpula de la Catedral Basílica Metropolitana colapsó tras el movimiento telúrico pic.twitter.com/5XDOW76y55
— Colombia Oscura (@ColombiaOscura) August 10, 2026
Според податоците на Американскиот геолошки завод (USGS), земјотресот бил регистриран во 7:34 часот по локално време, со епицентар во близина на Сан Хосе дел Палмар, во департманот Чоко, на длабочина од околу 107 километри.
BREAKING: Reports of numerous structural collapses, and many injuries, after major earthquake in Columbia. pic.twitter.com/QQj3FXhJHZ
— Breaking 4 News (@Breaking_4_News) August 10, 2026
Најсериозна е состојбата во департманот Чоко, од каде што властите пријавуваат повредени лица и оштетени објекти. Гувернерката Нубија Каролина Кордоба Кури соопшти дека во главниот град Кибдо се регистрирани значителни оштетувања на згради.
Штетата е забележана и во Манизалес, главниот град на департманот Калдас. На снимките објавени на социјалните мрежи се гледа оштетена кула на катедралата, од која дел се урнал, додека на околните објекти се појавиле големи пукнатини.
Силното тресење било почувствувано и во Богота, каде што се активирале алармите, а голем број граѓани од безбедносни причини ги напуштиле зградите и излегле на улиците.
Градоначалникот на Богота, Карлос Галан, соопшти дека засега нема информации за жртви или сериозни конструктивни оштетувања во главниот град, иако на одредени објекти се појавиле пукнатини.
Земјотресот силно се почувствувал и во Меделин, каде што надлежните служби веднаш излегле на терен за да ја проверат состојбата и евентуалните последици.
Потресот бил почувствуван и во соседна Венецуела.
Колумбиските власти продолжуваат со проценка на штетата и последиците од земјотресот. Граѓаните се предупредени на можност од последователни потреси, додека спасувачките и итните служби остануваат на терен.
…
