Шеснаесетгодишник од Скопје се здобил со тешки телесни повреди откако бил удрен од автомобил на улицата „Адем Демачи“ во Скопје.
Според информациите од МВР, несреќата се случила вчера, а во 16:55 часот случајот бил пријавен во СВР Скопје.
Патничко возило удрило во малолетникот, кој во моментот туркал електричен тротинет, по што возачот со возилото го напуштил местото на несреќата.
Од ударот, 16-годишникот се здобил со тешки телесни повреди, кои биле констатирани во Ургентниот центар при Комплекс клиники „Мајка Тереза“.
Увид на местото извршила увидна екипа на СВР Скопје. Полицијата презема мерки за целосно расчистување на случајот и пронаоѓање на возилото и возачот кој избегал.
Од МВР засега не соопштуваат дополнителни детали за марката и моделот на возилото.
…
