Активен шумски пожар избувна на територијата на општина Јегуновце, во подрачјето на селата Копанце и Туденце.
Според информациите од Центарот за управување со кризи, пожарот зафатил шума, а огнената линија се шири во правец кон скопското село Бојане.
Пожарот е меѓу шесте активни пожари на отворен простор регистрирани низ државата во денешниот пресек на состојбата до 13 часот.
Надлежните служби ја следат состојбата на терен и се преземаат активности за спречување на натамошното ширење на огнот.
