По одржаните две седници на Работната група за именување и преименување на улиците во Тетово, утврдени се вкупно 219 предлози за имиња, од кои 77 се поврзани со македонската историја, култура и идентитет. Станува збор за предлози доставени од граѓани преку јавен оглас.
Меѓу предложените имиња се наоѓаат истакнати личности од македонската историја, култура, уметност и просветителството, но и називи поврзани со значајни историски настани, датуми и географски поими.
На листата се предложени имиња на Блаже Конески, Матеја Матевски, Методија Андонов-Ченто, Никола Карев, Даме Груев, Јане Сандански, Васил Чакаларов, Петар Поп Арсов, Христо Узунов, Крсте Петков Мисирков, Гоце Делчев, Ѓорѓи Сугаре, Ѓорче Петров, Григор Прличев, Горан Стефановски, Петре М. Андреевски и други значајни личности.
Предложени се и имиња на историски личности поврзани со средновековната историја, меѓу кои Александар III Македонски, Филип II Македонски, Цар Самоил, Гаврил Радомир и Јован Владислав.
На листата се најдоа и имиња поврзани со македонските револуционерни и ослободителни движења, како „Илинденско востание“, „Карпошово востание“, „Крушевски манифест“, „Гемиџии“, „Рилскиот конгрес“ и „23 Октомври“.
Особено внимание е посветено и на личности кои оставиле белег во историјата на Тетово. Меѓу предложените се Веселин Пандиловски, Христо Червенелеков, д-р Глигорије Евчески, д-р Ристо Трифуновски-Брезјанин, Ѓиче Бојаџиев – „Берберот“, Блага Алексова, Бранко Гапо, Панче Васоски-Камџик, Јон Исаја, како и повеќе тетовски револуционери и учесници во Илинденското востание.
На листата се наоѓаат и имиња од македонската култура и уметност, меѓу кои Тоше Проески, Лазар Личеноски, Тодор Скаловски, Томче Грнчаровски и други.
Како називи за улици се предложени и „8 Септември“, „Љуботен“ и „Вардар“, како и имиња на светители и просветители – „Св. Кирил Пејчиновиќ“, „Св. Кирил и Методиј“ и „Св. Климент Охридски“.
Работната група предложила и имиња на повеќе локални историски личности од Тетовско, меѓу кои Трајче Цветановски – Бајрактар, Мијаел Младенов, Софре Ѓорѓески, Тодор Тетовчето, Игумен Хаџи Езекил, Блаже Симоновски, Коце Дафинковски, Пано Иљов Чадија, Симо Петров Јовановски и Младен Мишевски.
На листата се и Мирче Ацев – Оровчанецот, Никола Петров Русински, Пандо Кљашев-Пандето, Стефан Мандалов-Манданата и Миле Поп Јорданов.
Предложените имиња се дел од пошироката постапка за именување и преименување на улиците во Тетово. По утврдувањето на предлозите, следуваат натамошните процедури за нивно разгледување и усвојување.
…
