Голем успех за Престон Лајонс, најпознатиот македонски фудбалски клуб од Австралија и еден од најпрепознатливите спортски симболи на македонската дијаспора.
Клубот зад кој со децении стои бројната македонска заедница во Австралија го освои Докерти купот, а истовремено продолжува со одличните настапи и во најголемото австралиско куп-натпреварување, каде обезбеди пласман меѓу најдобрите осум екипи.
Престон Лајонс се избори за место во четвртфиналето откако го совлада Њукасл Џетс, тим кој минатата сезона беше шампион во натпреварувањето.
Успехот предизвика голема радост меѓу навивачите на клубот, а по последниот судиски свиреж следуваше вистинска македонска прослава.
На трибините се вееја македонски знамиња, додека фудбалерите и навивачите заедно го прославија големиот успех со песната „Бисер Балкански“.
Сцените од стадионот уште еднаш ја покажаа силната поврзаност на Престон Лајонс со македонската заедница во Австралија, која со генерации го следи и поддржува клубот.
Освојувањето на Докерти купот и пласманот во четвртфиналето на најголемиот куп во Австралија претставуваат еден од најголемите успеси за Престон Лајонс во поновата историја.
Македонскиот клуб сега е на само два чекори од големото финале, а со елиминацијата на Њукасл Џетс покажа дека може рамноправно да се носи и со најсилните австралиски екипи.
За македонската дијаспора, пак, успехот има и дополнителна симболика – македонските знамиња повторно се развеаја на австралиските трибини, а „Бисер Балкански“ одекнуваше по големата победа на Престон Лајонс.
