Регулаторната комисија за енергетика (РКЕ) донесе одлука за зголемување на малопродажните цени на нафтените деривати во просек за 4,85 проценти.
Новите цени ќе важат од 18 август 2026 година од 00:01 часот, а најголемо зголемување има кај дизелот.
Бензините ЕУРОСУПЕР БС-95 и ЕУРОСУПЕР БС-98 поскапуваат за 4,50 денари за литар, додека ЕУРОДИЗЕЛ (Д-Е V) ќе има повисока цена за 6,50 денари за литар.
Екстра лесното масло за домаќинство (ЕЛ-1) поскапува за 6 денари за литар, додека цената на мазутот М-1 НС се зголемува за 0,188 денари за килограм и ќе изнесува 43,726 денари за килограм.
Од РКЕ информираат дека зголемувањето е резултат на растот на референтните цени на нафтените деривати на светскиот пазар. Во споредба со претходната пресметка, бензините поскапеле за 8,983 проценти, дизелот за 10,979 проценти, екстра лесното масло за 9,801 процент, а мазутот за 0,871 процент.
Во новата одлука продолжува и примената на намалената акциза од 2 денари за литар кај бензините, односно 4 денари за литар кај дизелот.
Од РКЕ нагласуваат дека станува збор за максимални малопродажни цени. Трговците можат да ги продаваат горивата и по пониски цени од утврдените максимални.
…
