ВМРО-ДПМНЕ го избра Стојанчо Радичевски за кандидат за градоначалник на Општина Брвеница на претстојните вонредни локални избори.
Одлуката е донесена едногласно на редовна седница на Извршниот комитет на партијата. Радичевски е актуелен претседател на Општинскиот комитет на ВМРО-ДПМНЕ во Брвеница.
Тој дипломирал на Правниот факултет „Јустинијан Први“, а има и магистратура по граѓанско право.
Од партијата велат дека очекуваат обединување на, како што наведуваат, сите прогресивни сили и поддршка за кандидатурата на Радичевски, која ја оценуваат како чесно и искрено решение за напредокот и иднината на општината.
ВМРО-ДПМНЕ најавува убедлива победа на вонредните локални избори со цел, како што посочуваат, создавање подобра Брвеница.
…
