Тензично е во Приштина по денешните пресуди на Специјализираниот суд за Косово во Хаг против четворицата поранешни лидери на Ослободителната војска на Косово (ОВК).
Илјадници демонстранти по протестите пред седиштето на ЕУЛЕКС во Косово Поле се упатиле кон центарот на Приштина, каде што се собрале на плоштадот „Скендербег“, пред Владата на Косово.
Дел од демонстрантите фрлале камења кон зградата на Владата, при што биле скршени неколку прозорци. Камења биле фрлани и пред седиштето на ЕУЛЕКС.
Демонстрантите скандирале „ОВК, ОВК“, како и имињата на четворицата поранешни лидери на ОВК кои денеска беа осудени.
Пред зградата на косовската влада е распоредено засилено полициско присуство, а ангажирани се и припадници на специјалните полициски сили.
Специјализираниот суд за Косово во Хаг денеска ги осуди Хашим Тачи, Кадри Весељи, Јакуп Красниќи и Реџеп Селими на повеќегодишни затворски казни.
…
