Околу 500 ученици од основните и средните училишта во Битола денеска учествуваа на „Есенскиот крос“, кој се одржа во Градскиот парк во Битола.
Масовниот спортско-рекреативен настан им овозможи на учениците да се натпреваруваат, да се дружат и преку спортот да ја промовираат физичката активност и здравиот начин на живот.
„Есенскиот крос“ се реализира во рамки на Европската недела на спортот 2026, иницијатива на Европската комисија насочена кон поттикнување на физичката активност, рекреацијата и здравите животни навики кај граѓаните од сите возрасти.
Од Општина Битола посочуваат дека големиот број учесници придонел настанот да има силна локална димензија, со порака за важноста на редовната физичка активност уште од најмала возраст.
Преку ваквите спортски активности, младите се поттикнуваат активно да се вклучуваат во спортот и рекреацијата, а истовремено да градат позитивни навики и здрав животен стил.
…
