66-годишен жител на кочанско село пријавил дека бил измамен за 18.000 евра, откако неколку лица го убедиле дека во неговиот дом има „црна магија“.
Според пријавеното во ОВР Кочани, лицата дошле во неговиот дом и со лажни тврдења го довеле во заблуда, убедувајќи го дека за да се отстрани наводната „црна магија“ треба да им ги даде сите пари што ги поседува.
Мажот им ги предал 18.000 евра, по што лицата го напуштиле домот. Откако сфатил дека бил измамен, случајот го пријавил во полиција.
Од СВР Штип информираат дека се преземаат мерки за расчистување на случајот и за утврдување на идентитетот на лицата.
…
