Јовица Андовски поднесе оставка од функцијата заменик-министер за здравство. Оставката му ја доставил на премиерот Христијан Мицкоски на 9 октомври, а таа е депонирана и во Собранието.
Како причина за повлекувањето Андовски навел лични причини. Во обраќањето се заблагодарил за довербата, поддршката и соработката во текот на извршувањето на функцијата.
„За мене беше чест и одговорност да бидам дел од Владата и да придонесувам кон унапредувањето на здравствениот систем“, порача Андовски.
Тој им посака успех на премиерот и на членовите на Владата во понатамошната работа и во заложбите за подобро здравство и поквалитетен живот на граѓаните.
…
