Во подкастот ЗРАК со д-р Марина Вукашиновиќ, зборуваше и доктор Александар Колев, кардиохирург, кој се осврна на процесот на трансплантација на срце. 

Колев вели дека во последните години Македонија доста напреднала на ова поле.

„Од 2020 година до сега се направени 11 трансплантации. За волја на вистината, во однос на бројот на жители тоа ја издигнува Македонија во првите 20 држави во светот по број на трансплантации по глава на жител, рече Колев.

Тој додаде дека и многу побогати и поразвиени држави од Македонија заостануваат зад нас кога станува збор за трансплантации.

Колев, се осврна и на кардиоваскуларните болести Македонија, посочувајќи дека заболуваат и се повеќе млади луѓе 

„ Кога граѓаните ќе дојдат во поодминати години сите развиваат одредена срцева слабост имаат коронарна артериска болест, исхемична срцева слабост и слично но има и млади пациенти кои имаат врдени аномалии или кои биле изложени на цитостатици. Ова не е болест само на возрасната популација, туку возрасната граница се повеќе се спушта“ посочи тој. 

Целата епизода од подкастот ЗРАК гледајте ја на следниот линк

https://youtu.be/FnbcWlgWJSE?si=vksVtbLEBILOBaYK

Наместо само една лента со таг на патарините, да има три до четири. Ова се идните планови на Јавното претпријатие за државни патишта со цел да нема застој на патарините и протокот на возила да биде побрз, најави денеска од Штип директорот на Јавното претпријатие за државни патишта, Коце Трајановски. Тој истакна дека се прави напор проектот во висина од 12 милиони евра кој бил во застој да продолжи, со што на патарините ќе има повеќе тагови на кои ќе се наплаќа со трансакциска картичка, која нема да мора да се надополнува на одредени места.

– Воедно разговараме и сме во комуникација со соседните држави за начинот на плаќање на патарините, да се промени и во нашата државата. Ако сега имаме една лента со тагови од вкупно пет се трудиме да има три до четири со тагови, а само една да остане без тагови. Притоа наплаќањето да биде со трансакциски картички, оние кои секојдневно ги користиме врзано тагот со него, и да не мора да се надополнува – вели Трајановски.

Разговорите се во тек и соседните држави, и како што посочи Трајановски, движењето ќе биде многу полесно и побрзо. Она што веќе се практикува во странство да почне да се применува и во државата е заложбата на ова јавно претпријатие.

Сега црниот биланс е 15 загинати во несреќата, меѓу нив и македонскиот државјанин Васко Саздовски

Еден од тројцата пациенти, кои беа тешко повредени при уривање на натстрешницата на железничката станица во Нови Сад, почина денеска попладне. Информацијата ја потврди директорката на Клиничкиот центар на Војводина, Весна Туркулов.

 „Станува збор за пациентка со најтешки повреди. И покрај борбата и напорите на лекарите, дојде до смртен исход“, 

изјави Туркулов.

Продолжуваат напорите за спасување на животите на преостанатите двајца пациенти кои се сместени во Клиничкиот центар од 1 ноември, кога врз дваесетина луѓе се урна натстрешницата на влезот на Железничката станица во Нови Сад.

Сега црниот биланс е 15 загинати во несреќата, меѓу нив и македонскиот државјанин Васко Саздовски. Сè уште се утврдуваат причините за падот.

Денешните протести во Нови Сад

Во Србија денеска се одржаа нови протести на кои се бараше одговорност од надлежните. Досега оставка даде само министерот за градежништво Горан Весиќ.