Забава

Само 2 % генијалци може да ја решат оваа Ајнштајнова загатка

Published

4 years ago

March 11, 2021

Ајнштајновиот тест за интелигенција е логички тест, а се тврди дека можат да го решат само 2 проценти од луѓето. Го добил името по славниот Алберт Ајнштајн бидејќи како што се претпоставува научникот го измислил уште кога бил на млад.

Проверете дали сте и вие еден од генијалците кои можат да го решат?

Задача

Пет куќи се обоени во пет различни бои и во сите куќи живеат луѓе со различна националност.

Петте сопственици пијат различни пијалаци, свират на различни инструменти и чуваат различни домашни миленичиња, односно ниту еден од нив нема ист миленик, инструмент или пијалак како другите.

Ваша задача е да одговорите кој има риба како домашно милениче.

Има само едно решение, а патем треба да откриете кој во која куќа живее, од која националност е, каков пијалак пие и на кој инструмент свири.

Податоци кои се потребни да се реши задачата:

1. Британецот живее во црвената куќа
2. Швеѓанецот чува куче
3. Данецот пие чај
4. Зелената куќа е лево од белата
5. Сопственикот на зелената куќа пие кафе
6. Оној што свири на виолина одгледува птици
7. Сопственикот на жолтата куќа свири на клавир
8. Сопственикот на средната куќа пие млеко
9. Норвежанецот живее во првата куќа
10. Човекот што свири на труба живее покрај оној што чува мачки
11. Човекот што чува коњи живее до оној што свири на клавир
12. Оној што свири на хармоника пие пиво
13. Германецот свири на гитара
14. Норвежанецот живее покрај сината куќа
15. Човекот што свири на труба има сосед што пие вода.

Прашањето е кој чува риби?

Мислите дека знаете? Проверете го решението.

Решение
Рибите ги чува Германецот, кој притоа живее во зелената куќа, свири на гитара и пие кафе.

Дали и вие дојдовте до тоа решение?

Ако е така, ви честитаме, спаѓате во групата генијалци, односно во оние 2% најпаметни луѓе од целата популација.

Забава

Љубов кон Македонија во латино изведба – Вирално се шири настапот на Ева Карамановска

Published

2 days ago

November 25, 2024

Арлингтон

Прекрасен настап на светското првенство во латино танци во изведба на Ева Карамановска.

Младата танчерка облечена во креација со боите на македонското знаме и музика која допира до срцето, буквално ги освои симпатиите на сите присутни, а снимката од нејзиниот настап вирално се споделува на социјалните мрежи.

Скопје, поточно Спортскиот центар „Борис Трајковски“ изминатиот викенд беше домаќин на Светското првенство во Латино танци Скопје 2024.

Емоција која вреди да се доживее! Погледнете го настапот!

https://www.facebook.com/share/v/1GbadUUjyS/?mibextid=WC7FNe

Забава

Легендарните К-15 се враќаат на екраните!

Published

7 days ago

November 20, 2024

Арлингтон

Легендарното хумористично ТВ шоу К-15 составено од триото Бранко Огњановски, Љупчо Бубо Каров и Васко Тодоров се враќа на екраните наскоро.

По повод 30 години од нивното емитување, оваа информација денес на Инстаграм ја сподели Бранко Огњановски попознат како Миле Паника, а повеќе детали најави наскоро.

Забава

Панчо од ДНК ја отфрли номинацијата за „Маж на годината“: „Јас живеам во Македонија, не во Северна“

Published

1 week ago

November 19, 2024

Арлингтон

Музичарот Владимир Блажев, познат како Панчо од дуото ДНК го откажа своето учество во изборот за Маж на годината. Тој се најде помеѓу номинираните јавни личности на официјалната страница на изборот, заедно со Никола Ристановски, Боби Милевски, Стојанче Ангелов, Стефан Лазаров, Сашко Кедев, Петар Георгиевски – Камиказа и други.

Како што појаснува на својот официјален профил, Панчо не ни знаел дека бил номиниран за наградата, а се откажувал од номинацијата и учеството поради три причини.

– Од една моја блиска и почитувана пријателка само што дознав дека сум номиниран за маж на годината на ,,Северна Македонија” .

Прво и најбитно, сакам јавно да истакнам дека јас не живеам во ,,северна” туку во МАКЕДОНИЈА и со самото тоа би сакал своеволно да си ја откажам номинацијата и учеството!

Второ е тоа што мислам дека не сум заслужил да се најдам помеѓу сите овие номинирани величини, и трето дека сте ми ја утнале категоријата бидејќи сум висок, тоест низок – 168 см. и треба да спаѓам во категорија „МАЖИЊА“ – објави музичарот.