Американскиот претседател Доналд Трамп соопшти дека Соединетите Американски Држави спровеле, како што наведе, „масовни воени напади“ врз Венецуела и дека во рамки на операцијата биле заробени претседателот на земјата Николас Мадуро и неговата сопруга.
Објавата беше споделена на социјалната мрежа Truth Social, каде Трамп напиша дека Мадуро бил уапсен и изнесен надвор од Венецуела. Според неговите зборови, станува збор за „успешно спроведен државен удар“ насочен кон венецуелското раководство.
„Соединетите Американски Држави успешно спроведоа голем државен удар против Венецуела и нејзиниот лидер, претседателот Николас Мадуро, кој беше заробен и изнесен од земјата заедно со неговата сопруга“, наведе Трамп во објавата.
Тој додаде дека операцијата била реализирана во координација со американските органи за спроведување на законот и најави дека дополнителни информации ќе бидат соопштени подоцна. Според најавата, прес-конференција е закажана за 11 часот по локално време во Мар-а-Лаго.
Засега нема официјална потврда од венецуелските власти за наводите изнесени од американскиот претседател.
