Берлин остана без електрична енергија за околу 50.000 домаќинства и 2.000 деловни корисници по пожар што ја зафати кабловската конструкција над Телтовскиот канал, соопшти операторот „Штромнец Берлин“. Според портпаролот Хенрик Бојстер, оштетувањето на каблите што водат до електраната Лихтерфелде го предизвикало прекинот на снабдувањето, а поправката се очекува да трае цел ден, со постепено обновување на струјата.
Според информации на „Билд“, пожарот започнал во градежен контејнер околу 6:12 часот и се проширил на електричните кабли. Пожарникарите брзо интервенирале, но истражните органи сега се сомневаат дека пожарот бил намерно предизвикан.
Полицијата наведува дека сторителите можеле да поседувале интерни информации за да предизвикаат максимална штета, а криминалистичките инспектори се на терен за целосно утврдување на околностите околу настанот.
