Општина Тетово од сабота повторно ја пушта во употреба автобуската линија Тетово – Попова Шапка и обратно, преку општинското претпријатие за јавен превоз „Тетово Транспорт“.
Автобусите ќе сообраќаат за време на викендите, со два термини за поаѓање од Тетово кон Попова Шапка, во 08:00 и 10:00 часот, како и два термини за враќање од скијачкиот центар, во 14:45 и во 16:00 часот. Цената на повратниот билет изнесува 200 денари.
Од Општина Тетово ги повикуваат граѓаните да го користат јавниот превоз, со цел да се намали сообраќајниот метеж и да се придонесе кон заштита на животната средина. Автобуската линија ќе функционира од 17 јануари и ќе биде активна исклучиво за време на викендите.
Во споредба со претходната скијачка сезона, кога имаше четири линии кон Попова Шапка, годинава бројот на термини е намален на два, со поограничен распоред на поаѓања и враќања.
