Утрово низ целата територија на Македонија се регистрираат минусни температури, а на многу места има појава на мраз. Метеоролозите предупредуваат на внимателност, особено во раните утрински часови при движење по коловозите и тротоарите.
Најниските температури се измерени во Берово, каде што термометрите покажаа -10°C. Во Скопје – Петровец се регистрирани -8°C, додека на Зајчев Рид температурата достигна -6°C. Времето е студено, но ведро, со мала до умерена локална облачност. Во поголемиот дел од земјата владее тишина, без изразен ветер, што дополнително го засилува чувството на студ.
