Бројот на загинати во пожарот во трговскиот центар „Гул Плаза“ во Карачи се искачи на 21, додека над 60 лица сè уште се водат како исчезнати. Пакистанските пожарникари продолжуваат со извлекување на телата од урнатините на зградата, од која голем дел веќе се срушени, а остатокот беше демонтиран со кранови поради ризик од колапс.
Пожарот избувна во саботата навечер, а причината за настанот сè уште не е утврдена. Видео снимките покажуваат како пламените јазици се шират од зградата додека пожарникарите се бореле цела ноќ да го локализираат огнот во густо населен деловен округ на историскиот центар на Карачи.
За време на посетата на местото од страна на градоначалникот на Карачи, Муртаза Вахаб, присутната толпа извикуваше антивладини слогани и протестираше, посочувајќи на бавниот одговор на спасувачките екипи, според извештаите на Ројтерс.
Според официјални лица, состојбата во областа останува критична, а спасувачките екипи продолжуваат со пребарување по урнатините, во надеж да се пронајдат преживеани.
