На 26.01.2026 во 11:00 часот, при вршење служба на ул.„Илинденска“ во Тетово, полициски службеници од СВР Тетово забележале малолетно лице кое лежело на плочникот. По извршен разговор од инспектори за малолетници од СВР Тетово, констатирано е дека е 13-годишен малолетник од Куманово, кој престојувал во градот без родителска грижа. Известени се социјални работници од Центар за социјални работи Тетово, кои го згрижиле малолетникот. По извршените проверки и утврдување на идентитетот на неговите родители и адресата на живеење во Куманово, известен е Центарот за социјални работи Куманово за понатамошно постапување.
