СВР Тетово поднесе кривична пријава против Б.М.(45) од Германија и Џ.А.(54) од с.Шипковица, тетовско, поради постоење основи на сомнение за сторено кривично дело „узурпација на недвижности” и „бесправно градење”. Во текот на 2023 година, првопријавениот, во својство на инвеститор и второпријавениот, во својство на изведувач на градежни работи, на катастарска парцела во катастарска општина Шипковица, во сопственост на државата, изградиле викенд куќа, а притоа не поседувале соодветна дозвола за градење издадена од надлежен орган.
