Во инцидент кај Могадишу, патнички авион со 55 лица на бордот се излизгал од пистата за време на принудно слетување и завршил во плитките води на Индискиот Океан, во близина на плажата кај аеродромот Аден Абдуле.
Летот на „Старски авиејшн“ кој требаше да продолжи кон Галкајо бил принуден да се врати поради технички проблем кој се појавил околу 15 минути по полетувањето. Според официјалните извештаи, никој од 50 патници и петчлениот екипаж не е повреден, а сите биле евакуирани безбедно.
Сомалискиот министер за транспорт, Мохамед Фарах Нух, потврди дека причината за инцидентот ќе биде детално испитана, нагласувајќи дека единствено авионот претрпел оштетувања.
