Министерот за животна средина и просторно планирање Муамет Хоџа учествуваше на настан организиран од Канцеларијата на Европската банка за обнова и развој (ЕБОР) во Северна Македонија, на тема „Патеки за вештини и инклузија во секторот за цврст отпад“.
Во своето обраќање, Хоџа истакна дека регионалниот систем за управување со отпад преминува од фаза на концептирање во конкретна имплементација, преку изградба на инфраструктура што ги поставува темелите на одржливо и долгорочно решение.
„2026 година ќе донесе реални промени и ќе стави крај на импровизациите во овој сектор“, нагласи министерот, додавајќи дека управувањето со отпад останува клучен институционален приоритет.
Според него, потребен е сериозен пристап и одржливи решенија кои ќе придонесат за заштита на здравјето на граѓаните, но и за отворање нови економски и социјални можности.
Хоџа потенцираше дека партнерството со Европската Унија и ЕБОР е одлучувачко за изградба на модерен и функционален систем за управување со отпад, кој ќе обезбеди почиста животна средина и подобар квалитет на живот за сите граѓани.
….
