Седумнаесетгодишна девојка била нападната со нож во кругот на Општата болница во Струга, при што ѝ биле нанесени телесни повреди, потврдуваат медицински извори.
Според првичните информации, нападот го извршил возрасен маж, по што девојката веднаш била згрижена од медицинскиот персонал во болницата. Лекарите констатирале повреди, но таа е надвор од животна опасност.
Полицијата извршила увид на местото на настанот и се преземаат мерки за расчистување на случајот, како и за утврдување на мотивите за нападот. Од МВР најавуваат дека по целосно документирање ќе следуваат соодветни пријави против напаѓачот.
Инцидентот предизвика вознемиреност кај граѓаните, особено поради тоа што се случил во здравствена установа, каде се очекува највисоко ниво на безбедност.
