Fillerina и Crescina пристигнуваат на македонскиот пазар

Македонската дермокозметичка сцена доби новитети со воведувањето на светски познатите иновативни бренди Fillerina и Crescina. Вчеравечер, на свечена церемонија во присуство на бројни јавни личности и експерти од козметичката индустрија, беше означен официјалниот старт на овие научно базирани производи што нудат напредна неинвазивна нега на кожа и коса.

Двата бренда се дел од портфолиото на швајцарската компанија Labo Suisse, основана во 1986 година во Базел. Компанијата е присутна во 57 земји и е препознатлива по своите патентирани формулации и клинички потврдени резултати, кои значително ги поместуваат стандардите во дермокозметиката.

Fillerina нуди револуционерен пристап како прва неинвазивна алтернатива на дермалните филери. Со комбинација од 12 типови хијалуронска киселина, производот се апсорбира трансдермално и овозможува намалување на брчките, зголемување на волуменот и подобрување на тонусот на кожата – сè тоа без игли, клиники или инвазивни процедури, во комфор на домашната средина.

Од друга страна, Crescina е наменета за стимулирање на растот на коса кај фоликули кои делумно атрофирале. Благодарение на патентирани активни комплекси, производот делува директно на структурата на фоликулите, со видливи резултати по околу четири месеци редовна употреба.

Според официјалниот дистрибутер, Реплек, воведувањето на овие бренди на македонскиот пазар претставува значаен чекор кон подигнување на стандардите на неинвазивната нега на кожа и коса, комбинирајќи клинички докажани резултати со високи европски стандарди за квалитет.

И двете линии, Fillerina® и Crescina®, се достапни во сите поголеми аптеки, со опција и за онлајн нарачки, овозможувајќи им на македонските корисници лесен пристап до најсовремените дермокозметички решенија.