Фудбалот во Прилеп повторно покажа дека љубовта на навивачите не се мери со казни. Денешниот натпревар на Победа против Новаци беше трет по ред во рамките на казната на ФФМ за играње без публика. Иако навивачите не смееа да влезат на Градскиот стадион „Гоце Делчев“, скалите кај старата болница беа преполни.
Прилепчани, особено групата позната како „борини“, повторно покажаа посветеност, следејќи го натпреварот и тренинзите на својот омилен клуб однадвор. Слична сцена се забележа и на претходните два меча со Кожуф и Брегалница Ш., а се очекува и на последниот од казната, натпреварот со Преспа на 3 март.
Љубовта кон Победа во Прилеп не се ограничува на трибините – таа се гледа и на скалите, каде страста кон фудбалот е подеднакво силна.
../
