ЈП Водовод и канализација – Скопје известува дека денеска жителите на дел од општина Центар можат да очекуваат прекин на водоснабдувањето. Причина е дефект на водоводна цевка со пречник од 2 цола, кој се појави на улицата Св. Кирил и Методија 38, на паркингот кај Трготекстил. Екипите се на терен и работат на санирање на дефектот, а водата ќе биде повторно достапна веднаш штом проблемот биде отстранет.
Истовремено, во селото Бојане, општина Сарај, во периодот од 03.03 до 06.03.2026 година, во времето од 8 до 13 часот, може да се забележи намален притисок или краткотрајни прекини во водоснабдувањето. Причината е планираното чистење и дезинфекција на двете комори во резервоарот за питка вода, што е дел од редовното одржување за обезбедување на квалитетна и безбедна вода за жителите на селото.
