Луксузен станбен облакодер во Дубаи бил погоден од остатоци од дрон за кој се сомнева дека пристигнал од Иран, откако бил пресретнат од противвоздушната одбрана на Обединети Арапски Емирати.
Според информациите на властите, остатоците паднале врз облакодерот „23 Марина“, една од највисоките станбени згради во градот, висока 392,8 метри со 88 ката и повеќе од 280 станбени единици.
Фотографии и видеа објавени на социјалните мрежи покажуваат чад кој се издига од фасадата на зградата, додека службите за итни случаи веднаш реагирале на местото на настанот. По инцидентот биле евакуирани повеќе згради во областа Дубаи Марина.
Жителите на Дубаи и Абу Даби добиле итни предупредувања на мобилните телефони за можни проектили, додека системите за одбрана пресретнувале летала во воздухот.
Властите соопштија дека остатоците од пресретнатиот дрон предизвикале помал инцидент на фасадата на зградата. Дел од остатоците паднале и врз возило во областа Ал Барша, при што загинал возачот. Со тоа бројот на загинати во Обединетите Арапски Емирати од почетокот на конфликтот се искачи на четири лица, а сите жртви биле странски државјани.
Надлежните институции соопштија дека ситуацијата е ставена под контрола и дека засега нема пријавени повредени лица. Истовремено, Масуд Пезешкијан претходно изјави дека Иран нема да напаѓа соседни држави, освен ако напад врз Иран не дојде од нивна територија.
An Iranian drone reportedly struck the 23 Marina tower in Dubai, UAE. pic.twitter.com/jtIJFAwpGI
— Clash Report (@clashreport) March 7, 2026
…
