Зголемените тензии на Блискиот Исток веќе се одразуваат врз енергетските пазари, а нивните последици можно е да се почувствуваат и на домашните бензински пумпи. Во текот на денешниот ден се очекува Регулаторна комисија за енергетика, водни услуги и услуги за управување со комунален отпад (РКЕ), да ја објави новата одлука за малопродажните цени на горивата во земјава.
Mинатата недела, светските пазари беа под силно влијание на геополитичките случувања, при што референтната цена на суровата нафта брент достигна околу 104 долари за барел. Аналитичарите предупредуваат дека трендот на раст може да продолжи доколку нестабилноста во регионот се продлабочи.
Ескалацијата на конфликтот по нападите поврзани со САД и Израел врз Иран дополнително ја зголеми неизвесноста на глобалните пазари на енергенси. Таквата ситуација не влијае само на цената на нафтата, туку потенцијално може да предизвика поширок ценовен притисок и врз другите производи.
