Поради планирани технички зафати на електродистрибутивната мрежа, утре повеќе делови од Тетово и околните населени места ќе останат без електрична енергија во одредени временски периоди.
Според најавата, на 12 март без струја од 09:00 до 12:00 часот ќе бидат делови од населбата Деребој, односно објектите во близина на новата џамија, како и делот во близина на КЕЦ Тетово кон Челјан Комерц. Во истиот период без напојување ќе бидат и објектот на КЕЦ Тетово и околните објекти.
Планиран прекин на електричната енергија од 09:00 до 14:00 часот ќе има и во дел од градот, односно објектите кои се наоѓаат во блок 70, спроти старо ЕДТКО.
Без струја ќе остане и дел од селото Ларце, и тоа во периодот од 09:15 до 14:00 часот.
Од надлежните апелираат граѓаните навреме да ги планираат своите активности додека траат планираните прекини на електричната енергија.
