Синоќа во кочанското село Мојанци била спречена можна катастрофа поради пожар што избувнал во Пречистителната станица за отпадни води, јавува Гласно.мк.
Околу 20:30 часот се запалила инсталацијата за пренос на метан, при што гореле цевките на системот. Според очевидци, ситуацијата можела да ескалира во сериозна опасност ако пламенот се проширел на метанскиот балон, каде се собира гасот.
На местото на настанот брзо интервенирале пожарникарите од Територијалната противпожарна единица во Кочани со четири возила и осум пожарникари, поддржани од доброволците од Доброволното противпожарно друштво Кочани. Благодарение на нивната брза реакција, пожарот бил локализиран и експлозија од големи размери била избегната.
