На граничниот премин Јажинце, полицијата вчера околу 18:40 часот лишила од слобода 48-годишен жител на селото Радуша, откако било утврдено дека управува возило кое се бара на меѓународно ниво.
При гранична контрола, службениците откриле дека патничко моторно возило „Фолксваген Тигуан“, кое го управувал, е евидентирано како барано од Интерпол Германија.
Возилото е одземено, а по целосно расчистување на случајот ќе следува соодветна кривична пријава против лицето.
