Кога Велигденскиот пост се ближи кон крајот, често се случува да изгубиме инспирација за мени и да се чувствуваме како да јадеме секој ден едно исто. Но, постои едноставно решение кое не бара да чекате до крајот на постот, вкусни посни пржени лепчиња.
За оваа вкусна идеја ќе ви бидат потребни: 10 парчиња леб, 4 лажици пченкарно и 4 лажици пченично брашно, прстофат прашок за печиво, сол и бибер по вкус, 5 лажици сенф, 250-300 мл млака вода и масло за пржење.
Подготовката е едноставна: прво измешајте ги сите суви состојки, потоа додадете го сенфот и постепено матете додека смесата не стане мазна и течна, со текстура слична на палачинки. Секое парче леб потопете го во смесата и пржете го во загреано масло по 2–3 минути од секоја страна, додека не добие убава златна кора.
Ако сакате помалку маснотии, посниот тост можете да го испечете и во рерна на 200 степени околу 10 минути, свртувајќи ги парчињата на половина од печењето за рамномерно заруменување.
