Новите научни откритија нагласуваат една важна вистина: тоа што го ставате на вашиот тањир во средните години може да ја одреди здравствената судбина на вашиот мозок во староста. Истражувањата покажуваат дека луѓето кои се хранат правилно помеѓу 45 и 54 години имаат значително помал ризик од губење на меморијата, тешкотии со концентрацијата и други когнитивни падови кога ќе се пензионираат.
Според податоците од студијата објавена во Јama Neurology, не сите диети се подеднакво корисни за мозокот. На врвот е ДАШ диетата (Dietary Approaches to Stop Hypertension), првенствено позната по тоа што помага за контрола на крвниот притисок и здравјето на срцето. Луѓето кои строго ја следеле оваа диета имале до 41% помал ризик од когнитивен пад подоцна во животот.
Истражувањето, кое вклучило над 159.000 медицински сестри и здравствени работници, го споредило нивниот начин на исхрана со нивната когнитивна функција по неколку децении. Резултатите се импресивни: навиките што се градат денес буквално можат да ги обликуваат мозочните функции утре.
Најголема корист за мозокот доаѓа од консумирање свежо овошје и зеленчук, риба, умерено вино, чај и здрави масти во преливите за салата. Токму овие намирници се поврзани со зачувување на меморијата, подобра концентрација и генерално здравје на мозокот во староста.
На спротивната страна, редовното консумирање пржен компир, црвено и преработено месо, засладени пијалаци, слатки и јајца се поврзани со полоши когнитивни резултати и поголем ризик од губење на менталните способности.
Експертите објаснуваат дека здравјето на мозокот тесно следи здравје на срцето. Високиот крвен притисок го оштетува крвотокот до мозокот, намалувајќи му кислород и хранливи материи. Со тек на време, тоа може да предизвика оштетување на мозочните клетки и пад на меморијата и концентрацијата.
Со други зборови, кога се грижите за срцето, всушност инвестирате и во здравјето на вашиот мозок. Заклучокот е јасен: тоа што јадете денес не е само прашање на килограми или крвен притисок, тоа е долгорочна инвестиција во вашиот ум и ментални способности. Вашите избори во средните години можат да го одредат како ќе функционира вашиот мозок следните децении.
