Полициски службеници од Мобилната единица за безбедност на сообраќајот на патиштата вчера попладне лишиле од слобода 81-годишен жител на Крива Паланка, откако бил затекнат како вози во спротивен правец на автопат.
Инцидентот се случил на 19 април околу 17:30 часот, при сообраќајна контрола кај наплатната станица Сопот, на автопатот Скопје-Велес. Полицијата запрела патничко возило „хјундаи“ со кривопаланечки регистарски ознаки, управувано од М.А., при што било утврдено дека се движел во недозволена насока, спротивно на сообраќајните правила.
По насоки на јавен обвинител, возачот бил приведен во полициска станица. Од Министерството за внатрешни работи информираат дека по целосно документирање на случајот, против него ќе биде поднесена соодветна пријава.
Надлежните апелираат до возачите на строго почитување на сообраќајната сигнализација и правилата, со цел зголемување на безбедноста на патиштата и спречување на сериозни сообраќајни несреќи.
….
