Денеска на улицата „Прилепски бранители“, на потегот од семафорите до кружниот тек кај Здравствен дом од двете страни на улицата , се реализираше акцијата за засадување на зимзелени, украсни и грмушкести растенија. Засадувањето го спроведе ЈКП „Комуналец“ – Прилеп, во соработка со Локалната самоуправа и ПИ Витаминка, која годинава прославува 70 години од своето постоење.
Во рамките на оваа хортикултурна интервенција беа засадени златна и зелена туја, фотинија, тен-тен, јапонициус, украсна ружа, и др. видови украсни растенија, со што просторот доби подобар освежен, уреден и урбан изглед.
Со оглед на тоа што станува збор за локација која се наоѓа во близина на репрезентативната општинска зграда, банки и повеќе значајни институции, уредувањето на овој потег значително го подобри визуелниот амбиент и го збогати јавниот простор, правејќи го попривлечен и за граѓаните и за посетителите на градот.
Пролетната акција за зелен Прилеп ќе продолжи и наредниве денови со засадување на булеварските жардиниерии, комплетно уредување и озеленување на цветните улички и други зелени и парковски површини.
Благодарност до ПИ Витаминка за нивната несебична дарежливост кога е во прашање општина Прилеп и Зелената агенда, а со овој гест како општествено одговорна компанија, уште еднаш го потврди својот придонес за урбан Прилеп.
…
