На 28 април 2026 година во 16:10 часот во СВР Тетово е пријавено дека на локалниот пат Шипковица–Бозовце, тетовско, се случила сообраќајна незгода во која учествувал четирицикл со тетовски регистарски ознаки.
Според информациите, А.В. (20) од Тетово, управувајќи го четирициклот, изгубил контрола над возилото и излетал од патот.
Во несреќата, возачот се здобил со тешки телесни повреди, додека неговиот сопатник А.А. (18) од село Ларце, тетовско, се здобил со телесни повреди. Повредите биле констатирани во Ургентниот центар во Тетово.
На местото на настанот е извршен увид од увидна екипа на СВР Тетово.
