СВР Охрид поднесе кривична пријава против правно лице од Охрид и против О.Ф. (43), сопственик и управител на фирмата, поради сомнение за сторени кривични дела „измама“ и „фалсификување исправа“.
Според информациите од МВР, во текот на 2024 и 2025 година, пријавениот свесно и со намера да стекне противправна имотна корист, фалсификувал и користел лажно одобрение за градење, наводно издадено од Општина Охрид, кое се однесувало на надградба на станбена зграда.
Истрагата покажала дека осомничениот преку веб-страници за продажба објавувал огласи за станови и наплатувал средства од повеќе лица, доведувајќи ги во заблуда дека станува збор за легален градежен проект.
Надлежните институции продолжуваат со преземање на мерки за целосно расчистување на случајот.
…
